Sugeng enjang lan Berkah Dalem
Dhumateng Ibu
Kepala SMP Kanisius Wonogiri
ingkang kawula hormati, Bapak/Ibu Guru lan Karyawan SMP Kanisius Wonogiri ingkang
kinurmatan, Bapak/Ibu
tiyang sepah ingkang kawula bekteni, rencang-rencang kelas IX lan adhik-adhik kelas VII dan
VIII ingkang kula tresnani.
Ingkang sepindah monggo kita sami ngaturaken syukur
dhumateng ngarsanipun Gusti
Ingkang Kuwaos, saenggo kita sedaya tasih diparingi kesehatan lan saged makempal kanthi pinaringan
karaharjan ing dinten
menika ing Aula SMP Kanisius Wonogiri ing acara “Perpisahan kelas IX SMP Kanisius Wonogiri”.
Kula, wakil
saking siswa kelas IX, ngaturaken agunging panuwun dhumateng Bapak saha Ibu Guru lan Karyawan, anggenipun
nggulawentah dhumateng kula sekanca, saengga saged ngrampungaken kewajiban
anggen kula lan rencang-rencang ngangsu kawruh wonten sekolah niki, SMP Kanisius Wonogiri.
Kula lan
rencang-rencang namung saged
memuji lan donga. Mugi-mugi amal lan kesaenan Bapak Ibu Guru lan Karyawan pikantuk piwales
saking Gusti Allah Ingkang
Maha Sae, saha tansah pinaringan kasarasan, kawilujengan lan
ketentreman saengga saged nggulawentah dhateng adhik-adhik sedaya ngantos
dumugi lulus kanthi biji ingkang sae-sae.
Mboten kesupen,
kula lan rencang-rencang ugi nyuwun pangapunten, awit kula lan rencang-rencang
asring ndamel Bapak saha Ibu susah
lan kaciwa, awit saking atur saha solah bawa kula lan rencang-rencang ingkang
mboten mranani penggalih panjenengan sedaya.
Dhumateng
Bapak/Ibu Guru lan Karyawan
saha adhik-adhik sedaya, sepisan malih kula ndedonga mugi tansah pinaringan
rahmat saking Gusti
Ingkang Maha Kuwaos, Amin..
Cekap semanten
atur kula, menawi kathah kalepatan atur, kula nyuwun pengampunten.
